HKFlash 同 Show Happy

November 29, 2016 · 大家有冇用過ICQ, MSN, Xanga, Sinagirl, 迷你論壇, Show Happy, HKFlash ? 入面啲資料仲喺唔喺度? 有時放晒啲嘢喺同一個地方,過咗十年唔用,莫講話login,隨時連嗰樣嘢叫乜都唔記得。要長期保存嘅,都係自己收好,或者印晒啲嘢出嚟穩陣。

Read More »

你走去賣旗呀??????

November 20, 2016 · 今日又係賣旗日,地鐵站附近行到幾百米外嘅領展商場,成條街都係賣旗嘅小朋友同家長。見到籌款嘅機構係公益金,我非但只唔想捐錢,我直頭有衝動勸大家快啲返歸唔好再賣。 因為認真一諗就知道,「賣旗籌款」只不過係一場搵全港萬幾二萬人老襯嘅公關活動。 2015/16 年度,公益金喺籌款日總共籌得450萬蚊 [1],而當日動用咗 14,000 名學生/義工[3]。入面有好多係小學生/幼稚園學生[4],假設總共有6,000年係小學/幼稚園生,要家長陪同,噉粗略估計佢哋動用咗20,000人去做呢次籌款。 籌款金額入面,其實 450萬係包埋「金旗籌款」,即係事前嘅捐款。街邊籌嘅只係得 3,687,126。 而三百幾萬呢個好似好大嘅數,對公益金呢個咁大嘅機構嚟講係乜呢? 上年嘅總捐款收益係319,360,633。係九位數,三億幾。即係賣旗呢筆大數,加埋都只係佔佢哋捐款嘅 1% 多啲。 ---- 當然上面條數係冇計到一大堆隱藏成本。 入面冇扣到印旗、出信等等實際成本 314,753蚊。 亦都冇計到236間學校因為搞呢個活動,有幾多個老師因此要OT一個星期六上晝,冇計到幾多個學生家長有一個上晝去咗陪企。 我又假設每間學校都好犀利,平均只係要出動2個老師,而每人用5個鐘就搞掂晒所有流程,即係總共有 472個老師,總共用咗 2360個鐘頭去搞呢壇嘢。另外假設呢20,000個人每人投放咗3個鐘(好保守啦)。即係全港有62360個鐘頭,放咗落去幫公益金籌錢呢件事上面。 用總收入去計 3,687,126 蚊 / 20,000 人 = 每人 184.36蚊 賣旗由 8點到12點,我假設大家冇咁神心,當由學校集合到還旗袋解散,總共就3個鐘頭,噉即係呢段期間每個人每個鐘所得嘅大概就係 60蚊左右。 用總收益計 (3,687,126 蚊 – 314,753蚊) / 20,000 人 = 3,372,373 蚊 / 20,000 人 = 每人 168.62 […]

Read More »