每次搭巴士,我都見證緊後生仔嘅悲哀

October 31, 2016 · 有班人喺總站早上車,冇人爭,坐晒啲靚位,晾高對腳歎世界; 遲嚟少少嘅,啲靚位已經冇晒,要企走廊; 再後面啲嘅,死迫爛迫,先至迫到上車; 上咗一批人,條龍仲有一大班人未上到車。 坐喺位嘅阿伯,企喺走廊中間嘅阿叔,喺間口僅僅上到車嘅中年人,心入面都喺度諗:「抵死啦你哋班死廢青,咁唔努力梗係上唔到車啦。」 阿伯霸咗兩個位,一個坐一個擺嘢,死都唔讓返出嚟; 阿叔明明見住走廊有位,都唔行入兩步,係要塞死喺中間,個位闊到夠跳para para; 中年人迫到塊面貼晒玻璃,喺度慶幸自己上到車,開心都嚟唔切。 大家似乎唔記得咗,原來上唔上到車係睇你喺邊個站上,而唔係努唔努力。 呢個時候有個阿伯趕住去投胎噉款,撳鐘落車。車門一開,嗚呀,一班啱啱到埗嘅旅客喺落車度門一擁而上。中年人做樣鬧咗司機兩句,阿叔仲大讚佢哋醒目識食腦添。 排緊隊嘅後生仔,唔鍾意破壞規矩。佢哋知道冇希望,知道等幾多班都唔會上到車,於是決定努力用自己雙腳上路嘞。

Read More »

粵典 words.hk

《粵典》係一個大型嘅粵語辭典計劃。我哋會用Crowd-sourcing嘅方法,整一本大型、可持續發展嘅粵語辭典。我哋嘅字典會用香港粵語(廣東話)做中心,編寫解釋同例句都會考慮香港嘅用法;部份例句會由本土嘅文章抽出嚟,務求反映真實嘅語言現狀。我哋無意將《粵典》變成粵語嘅「權威」,亦明白一隻語言根本唔存在權威。所以我哋會以資料為依歸,用「描述主義(descriptivism)」嘅方法,盡力描述現今嘅語言狀況。呢個取態意味住,我哋會收錄各家流行嘅寫法、讀音、用法,入面會包含一啲公認為正確嘅用法,亦都會有新興嘅用法、比較小眾嘅用法。 大家想幫手的話,歡迎去 我哋嘅Facebook Group 睇詳情。

Read More »

CantoKey 粵拼輸入法

首先同大家講聲唔好意思先,我暫時未有時間再更新。 我已經開始再新版,今年會再出。新版會快好多,同埋改良配詞同輸入。希望會盡快有Update! 阿擇 2017年3月3號 隱私權政策

Read More »

CantoKey粵語輸入法 《隱私權保護政策》

一、隱私權保護政策適用範圍 此隱私權保護政策適用於本程式,但係不包括其他途徑嘅通訊。 二、個人資料嘅蒐集、處理及利用方式 因應 Apple 要求,本程式完全無法上網(鍵盤嘛),所以你打咗乜嘢字,用咗幾多次之類,我係絕對唔會知道。本程式完全冇蒐集個人資料,所以無需顧及處理、利用等問題。 三、資料之保護、與第三人共用個人資料之政策 完全無個人資料,當然亦無保護嘅需要。 female viagra 四、隱私權保護政策之修正 如果本政策有任何修改,會透過本網頁發佈。

Read More »